P102M lotto jackpot nasolo ng Cebu bettor

MANILA, Philippines – Isang manlalaro mula Cebu ang nanalo ng P102 milyon na jackpot sa Lotto 6/42 noong Martes.

Ang panalong tiket ay nabili sa Tiffany L. Tan South Town Center sa Barangay Bulacao, Lungsod ng Talisay.

May isang taon ang nanalo para i-claim ang premyo sa tanggapan ng PCSO sa Mandaluyong gamit ang tiket at dalawang valid ID.

Ang mga premyong lampas P10,000 ay may 20 porsiyentong buwis.

Hinihikayat ng PCSO ang patuloy na suporta sa kanilang mga laro para pondohan ang mga programa sa kalusugan at kawanggawa. RNT