Home METRO P21.7-B droga nasamsam sa termino ni PBBM

P21.7-B droga nasamsam sa termino ni PBBM

July 3, 2023 13:52

MANILA, Philippines – Nakasamsam ang Philippine Drug Enforcement Agency (PDEA) ng hindi bababa sa P21.7 bilyong halaga ng shabu sa ilalim ng administrasyon ni Pangulong Ferdinand “Bongbong” Marcos, Jr.

Sa pahayag na inilabas sa pagdiriwang ng PDEA’s 21st Anniversary, sinabi ng ahensya na 44,866 drug personality ang naaresto mula Hulyo 1, 2022 hanggang Abril 30 ngayong taon.

Ipinagdiwang ng Philippine Drug Enforcement Agency ang kanilang 21st Founding Anniversary ngayong Lunes Hulyo 3, 2023 sa PDEA National Headquarters sa Barangay Pinyahan, Quezon City, Festivities na may temang: “PDEA at 21: A Drug-Free Life for Every Juan.” Kuha ni Danny Querubin

Sa nasabing bilang, 3,169 ang kasama sa high-value target list ng iba’t ibang anti-narcotics agencies.

Sa P21.7 bilyong halaga ng iligal na droga, sinabi ng PDEA na halos 3,000 kilo sa mga ito ay shabu habang halos 2,500 kilo ay marijuana. Ang natitira ay ecstasy at cocaine.

Ibinunyag din sa pahayag na 8,332 lamang sa mahigit 42,000 barangay sa bansa ang kinokonsiderang mga lugar na apektado ng ilegal na droga.

Ang PDEA ang nangungunang ahensya sa pagsasagawa ng anti-illegal drugs operations sa bansa ngunit madalas na sinusuportahan ng Philippine National Police (PNP) sa pamamagitan ng iba’t ibang drug enforcement units. RNT