MANILA, Philippines – Kumpiyansa ang prosekusyon na makukumbinsi nila ang Senate impeachment court sa pag-subpoena ng financial records ni Vice President Sara Duterte dahil ito ay pasok sa mandato ng Konstitusyon, ayon kay Bicol Saro Rep. Terry Ridon nitong Sabado, Hulyo 18.
“Our basis here is not a mere ordinary law. Our basis for the power of the Senate impeachment court to issue a subpoena is the Constitution itself. They have the power to subpoena documents and people to get to the truth,” ani Ridon.
“I think this cannot be obstructed by any confidentiality provisions of a mere ordinary legislation,” dagdag pa.
Matatandaan na ipinagpaliban ng korte ang pagdedesisyon nito noong nakaraang linggo kung ipasa-subpoena ang bank at tax records ni Duterte.
Binigyan naman ng hanggang bukas, Hulyo 20, ang senator-judges para pag-aralan ang oral arguments ng prosekusyon at depensa.
Hinimok naman ni defense lawyer Michael Poa ang korte na ibasura ang hiling ng prosekusyon na mag-isyu ng subpoena at sinabing ang hakbang na ito ay isang “fishing expedition” sa pag-asang makakadiskubre ng mga incriminating materials.
Sa pagpayag sa hiling, aniya, ay lalabagin nito ang due process, privacy rights at statutory confidentiality. RNT/JGC
