MANILA, Philippines- Kinilala ni Pangulong Ferdinand Marcos Jr. ang papel ng mga mamamahayag sa bansa, at tinawag ang kanilang mga salita na depensa laban sa fake news.
“As the fourth pillar of our democracy, their words serve as our strongest defense against misinformation and fake news. Now, more than ever, their commitment to their work is crucial,” giit ng chief executive sa kanyang “World Press Freedom Day” message sa X (dating Twitter).
Pinuri rin ni Marcos ang mga mamamahayag para sa kanilang “courage in conveying unbiased reports” at “being stalwarts of truth and transparency.”
Samantala, idineklara ng Presidential Communications Office (PCO) ang commitment ng Marcos administration sa pagbibigay ng ligtas na kapaligiran para sa mga mamamahayag.
“The PBBM administration remains steadfast in its endeavor to foster an environment where journalists can practice their profession free from fear of threats, reprisals, and violence,” giit ng PCO.
Ayon sa pinakabagong datos ng Center for Media Freedom and Responsibility (CMFR) at sa National Union of Journalists of the Philippines, mayroong 135 insidente ng pag-atake at pagbabanta laban sa media workers mula nang maupong presidente si Marcos mula July 1, 2022 hanggang April 30 ng kasalukuyang taon.
Binanggit din sa ulat ang pagkamatay ng tatlong radio broadcasters: Rey Blanco, Percy Lapid, at Cresencio Bundoquin. RNT/SA
