MANILA, Philippines – Nagdeklara si Pangulong Ferdinand R. Marcos Jr. ng 1-year state of national calamity para mapabilis ang ‘rescue, relief, recovery, at rehabilitation efforts’ kasunod ng napakalawak na pinsala dulot ng Bagyong Tino.
Sa ilalim ng Proclamation 1077, nilagdaan ng Pangulo nito lamang Nobyembre 5 at isinapubliko, araw ng Sabado, Nobyembre 8, ang deklarasyon ay naglalayon na mas bilisan at mas koordinado ang paghahatid ng humanitarian assistance kapuwa ng gobyerno at pribadong sektor sa mga lugar na apektado ng bagyo.
Pinahihintulutan din ng one-year state of national calamity ang agarang implementasyon ng ‘mandatory remedial measures’ gaya ng pagpapataw ng price ceiling sa mga basic necessities at pangunahing bilihin; pagkakaloob ng no-interest loans sa pinaka-apektadong sektor; at pigilan ang overpricing, profiteering, o hoarding’ ng mga essential goods, medicines, at petroleum products.
Pinahihintulutan naman ng proklamasyon ang national at local governments na gumamit ng angkop na pondo para sa ‘rescue, relief, recovery, at rehabilitation programs’ kabilang na ang probisyon ng pangunahing serbisyo sa displaced individuals at mga komunidad.
“All concerned agencies and instrumentalities of the National Government are hereby directed to continuously undertake urgent and critical disaster response to save lives, reduce health impacts, ensure public safety and meet the basic subsistence needs of the people affected,” ang nakasaad sa proklamasyon.
Sa ilalim ng proklamasyon, “all concerned government agencies were, likewise, ordered to implement post-disaster recovery measures to restore normalcy and improve facilities, livelihoods, and living conditions in disaster-stricken communities, in line with relevant operational plans and directives.”
May mandato rin ang mga ito na makipag-ugnayan sa mga apektadong local government units (LGUs) at magbigay o magdagdag ng pangunahing serbisyo at pasilidad at madaliin ang private sector at international assistance, kung kinakailangan, ainsunod sa umiiral na batas, mga tuntunin at regulasyon.
Ang mga law enforcement agencies, sa tulong ng Armed Forces of the Philippines, ay inatasan na masagawa ng lahat ng kaukulang hakbang para mapanatili ang kapayapaan at kaayusan sa mga apektadong lugar.
“The one-year state of national calamity will remain in effect “unless earlier lifted by the President,” ayon sa Proclamation 1077. (KRIS JOSE)
