MANILA, Philippines- Ipinag-utos ni Pangulong Ferdinand Marcos Jr. sa law enforcement agencies na paigtingin ang hakbang sa paglaban sa insidente ng online sexual abuse at exploitation sa mga kabataan.
Sinabi ni Department of Justice (DOJ) Assistant Secretary Jose Dominic Clavano, “visibly distressed” si Pangulong Marcos sa kanilang naging pagpupulong sa Palasyo ng Malakanyang ukol sa insidente ng pang-aabuso laban sa mga kabataan.
Dahil aniya dito, inatasan ni Pangulong Marcos ang Department of the Interior and Local Government (DILG), Philippine National Police (PNP), National Bureau of Investigation (NBI), Department of Justice (DOJ), Department of Social Welfare and Development (DSWD), at iba pang ahensya ng gobyerno na paigtingin ang pakikipaglaban sa Online Sexual Abuse or Exploitation of Children (OSAEC) at Child Sexual Abuse or Exploitation Materials (CSAEM).
Sa kabilang dako, sinabi ni National Coordinating Council on OSAEC at CSAEM officer-in-charge executive director Margarita Magsaysay na naging laganap ang illicit activities sa Cagayan de Oro, Iligan at Taguig City.
Sinabi pa niya na umaabot lamang sa P200 o P300 kada transaksyon ang mga nasasangkot sa ilegal na aktibidad.
“They target the vulnerable. They are the children who are in poorer side of country, who are in the rural areas, tina-target sila because they are easy targets because OSAEC is [a] financially lucrative activity, so kung makagat na ‘yung mga victims mga P300, P200 for just showing CSAEM, showing nude pictures,” ayon kay Magsaysay sa press briefing. Kris Jose
