MANILA, Philippines – Upang masiguro ang stable na suplay ng isda bago ang closed fishing season, pumayag ang Department of Agriculture (DA) na mag-angkat ng 25,000 metriko tonelada ng frozen fish para sa mga pamilihan.
Sa ilalim ng Memorandum Order No. 17, inisyu ng DA ang Certificate of Necessity to Import (CNI) ng 25, 000 MT ng frozen small pelagic fish para sa mga pamilihan mula Oktubre 1 hanggang Disyembre 31, 2024.
“Makakatulong ito para mag-stabilize ang presyo kapag panahong closed fishing season dahil alam naman natin na talaga magkakaroon ng gap sa supply gawa ng sarado ang ating mga pangunahing fishing grounds,” pahayag ni DA spokesperson Nazzer Briguera.
Ang bilang ay mas mababa sa 35,000 MT allowable imports noong nakaraang taon.
Sinabi ng DA na ang Maximum Importable Volume (MIV) sa ilalim ng CNI ay ilalaan sa mga registered importer batay sa mga sumusunod:
— For registered importers under the commercial fishing sector, 80% of the MIV shall be allocated based on the fish landings of each of the commercial fishing operators who have valid Commercial Fishing Vessel and Gear License (CFVGL) qualifed to participate in the current importation period. For the volume of landings outside PFDA ports, only 20% of said volume shall be credited for the computation of the allocation.
— For the fisheries associations/ cooperatives, the 20% of the MIV shall be based on their performance taking into consideration the percentage arrival of fish imported from the immediately preceding importation period.
“Moreover, the BFAR shall assess the financial capacity of the importer under this category. Only fisheries associations and cooperatives affected by the closed fishing season and have the financial capacity to import shall be qualified to participate in this importation period,” dagdag ng kagawaran.
Naglabas din ito ng panuntunan sa alokasyon sa qualified importer.
Sa kabila nito, sinabi ng National Federation of Small Fisherfolk Organization in the Philippines o PAMALAKAYA na ang pag-aangkat ng isda ay walang basehan at maaaring makaapekto ito sa lokal na industriya ng bansa.
“Kung ang dahilan natin, possible na meron tayong shortage supply, gumawa tayo ng programa (kung) paano natin maangkupan yung possible na magkaroon ng kakulangan ng supply sa sarili nating produksyon,” ayon sa chairman ng grupo na si Fernando Hicap. RNT/JGC
