MANILA, Philippines – Ililipat si detained self-appointed son of God at founder ng Kingdom of Jesus Christ (KJC) na si Apollo Quiboloy, sa isang pampublikong ospital makaraang payagan ng korte sa Pasig City ang hospitalization nito, kinumpirma ng Bureau of Jail Management and Penology (BJMP) nitong Biyernes, Enero 24.
Si Quiboloy ay ibinalik sa ospital matapos na dumaing ng paninikip ng dibdib at na-diagnose na may community-acquired na dinala sa pribadong ospital para sa gamutan.
“We received a court order partially granting his hospitalization. PDL (person deprived of liberty) Quiboloy was also ordered to be transferred to a public hospital per Court Order issued by RTC (Regional Trial Court) 159 Judge dated 23 January 2025,” sinabi ni BJMP Spokesperson Jayrex Bustinera.
“Since yesterday, pina-process na ang discharge niya by the BJMP. We expect his transfer to the public hospital today,” dagdag pa.
Hindi naman tinukoy kung saang ospital inilipat si Quiboloy.
Matatandaang naospital na rin si Quiboloy noong Nobyembre dahil sa “irregular heartbeat.”
Ang self-appointed son of God ay inakusahan ng child abuse, sexual abuse at qualified trafficking. RNT/JGC