MANILA, Philippines – Sasabak ang Pinay Olympian na si Nesthy Petecio sa bronze medal round sa 2025 Southeast Asian Games matapos ang nakagugulat na pagkatalo sa isang Indonesian foe sa semifinals ng women’s 63kg class, noong Sabado ng hapon.
Lumalabas na kontrolado ni Petecio ang kanyang laban kay Hasanah Huswatun sa Chulalongkorn University Sports Center sa Bangkok, paulit-ulit na naglapag ng mas malinis na suntok at umiiwas sa mga atake ng kanyang kalaban.
Pero iba ang nakita ng mga hukom, gayunpaman, na tatlo sa kanila ang umiskor sa laban na pabor kay Huswatun.
Si Petecio, na nanalo ng Olympic silver at bronze, ay lumaban sa kauna-unahang pagkakataon sa 63kg class (light welterweight) pagkatapos na dati nang mangampanya sa bantamweight (54kg), featherweight (57kg) at lightweight (60kg).
“First time ko sa timbang na ‘to, 63. Mabigat nga siya pero andoon pa rin ‘yung lakas ko, andoon pa rin ‘yung speed ko,” ani Petecio.
“Nire-respeto ko ‘yung decision ng judges,” dagdag nito. “Pero kita naman sa laro … Kahit ako, alam kong alam ko lang doon. Pero ayun nga, nire-respeto ko ‘yung sa judges.”
Matatandaang ang 33-anyos na si Petecio ay diretsong umabante sa semifinals at umaasang magdagdag ng isa pang ginto sa kanyang paghakot ng anim na SEA Games medals.
Sa halip, si Huswatun ang hahamon sa home bet na si Somnuek Thananya para sa nangungunang puwesto sa podium.
Ayon Petecio ibabaling niya ngayon ang kanyang atensyon sa Asian Games sa susunod na taon sa Japan.
Samantala, isa pang Pinoy na boksingero ang nakatitiyak na makakamit din ng tansong medalya, matapos maiskor ni Flint Jara ang split decision laban kay Daud Flanuari Yerikho ng Indonesia sa quarterfinals ng men’s 54kg weight class.JC
