Senior todas sa sunog!

MANILA, Philippines- Patay ang isang senior citizen matapos ma-trap sa sunog sa residential area sa Sampaloc, Maynila nitong Miyerkules.

Sa impormasyon, madaling araw ng Huwebes nang matagpuan ang labi ng 69-anyos na may Alzheimer’s disease.

Nagsimula ang sunog pasado alas-7 ng gabi sa gitnang bahagi ng kwarto sa ikalawang palapag ng imprastraktura kung saan umabot ito sa ikalawang alarma.

Natupok nang apoy sa humigit-kumulang 20 bahay na may pinsalang tinatayang aabot sa P225,000 .

Ayon sa ulat, posible umanong hindi na nagawang mailabas o makalabas pa ang biktima nang balutin ng makapal na usok ang kanilang natutupok na bahay.

Patuloy namang iniimbestigahan ng mga awtoridad ang sanhi ng sunog. Jocelyn Tabangcura-Domenden