MANILA, Philippines – Magdadala ng maulap na kalangitan ang shear line at Northeast Monsoon o Amihan sa ilang bahagi ng Luzon.
Ayon sa PAGASA, magdadala ng maulap na kalangitan na may kalat-kalat na pag-ulan ang shear line sa Metro Manila, Bicol Region, CALABARZON, Oriental Mindoro, Marinduque, at Romblon.
Ang SOCCSKSARGEN, Zamboanga Peninsula, Basilan, Sulu, Tawi-Tawi, at Palawan ay makararanas naman ng maulap na kalangitan na may kalat-kalat na pag-ulan at thunderstorm dahil sa Intertropical Convergence Zone (ITCZ).
Samantala, uulanin naman dahil sa Amihan ang Cagayan Valley, Cordillera Administrative Region, at Aurora. Bahagyang maulap hanggang sa maulap na kalangitan na may isolated light rains ang dulot nito sa Ilocos Region at nalalabing bahagi ng Central Luzon.
Habang ang nalalabing bahagi ng bansa ay magkakaroon ng bahagyang maulap hangang sa maulap na kalangitan na may isolated rain showers o thunderstorms dahil sa localized thunderstorms. RNT/JGC
