MANILA, Philippines -ARESTADO ang isang tindero ng sari sari store makaraang mahulihan umano ng hinihinalang shabu sa isinagawang buy-bust operation ng mga pulis sa Brgy. Unang Sigaw, Quezon City nitong nakalipas na Linggo, Agosto 25 ng gabi.
Kinilala ni PMAJ. Jacinto Pascual lV chief ng QCPD station 3 Talipapa Station Drug Enforcement Unit (SDEU) ang nadakip na suspek na si Joemar Valoso, 20-anyos, alyas Mamang, may live in partner at residente ng no. 1363 GANA Compound, Brgy. Unang Sigaw, QC.
Ayon kay PSSg Neil Christian Cyrus Marquez Fresco imbestigador, nadakip ang suspek dakong 10:45 ng gabi nitong Agosto 25 (Linggo) sa no. 1364 Gana Compound, Brgy. Unang Sigaw, QC.
Sinabi pa ni Fresco na nagsagawa ng buy-bust operation ang mga operatiba ng Talipapa police SDEU sa pangunguna ng hepe nito na si PMajor Pascual laban sa suspek matapos makatanggap ng ulat ng pagkakasangkot umano nito sa iligal na droga sa naturang lugar.
Agad nagsagawa ng buy-bust operation ang mga pulis laban sa suspek at isang pulis ang nagpanggap ng poseur buyer at bumili umano ng halagang P200 sa suspek.
Matapos iabot ng suspek ang naturang droga agad ng dinakip ng mga pulis ang hindi na nakapalag na suspek.
Narekober sa suspek ang dalawang (2) gramo ng umano’y hinihinalang shabu na nagkakahalaga ng P13,600.00.
Kasalukuyan ngayon nakapiit ang suspek sa naturang himpilan at nahaharap sa kasong paglabag sa Comprehensive Dangerous Drugs Act of 2002. Santi Celario
