MANILA, Philippines – Inalis sa pwesto ng Philippine Marine Corps ang direktor at dalawang tauhan ng training center nito sa Ternate, Cavite sa gitna ng patuloy na imbestigasyon sa pagkamatay ng isa sa mga trainee nito kamakailan.
Dinala sa ospital ang trainee na si Joel Jimena ngunit idineklara itong dead on arrival.
Nakatakdang tapusin ng 24-anyos na si Jimena ang kanyang anim na buwang pagsasanay ngayong Agosto para maging miyembro ng Philippine Marine Corps.
Dinala ang kanyang mga labi sa Albay, ang kanyang sariling probinsya.
Hiniling ng pamilya ni Jimena sa Philippine National Police (PNP) na magsagawa ng autopsy.
“Just to determine kung meron ba na prevailing illness o disease po yung ating biktima prior to his death, minarapat po ng forensic group na magsagawa po ng histopathology examination to check po yung mga tissues niya, yung kinain po niya, bago sumailalim dito sa training. po na yun para mas comprehensive po ang magiging autopsy po,” ani PNP spokesperson Colonel Jean Fajardo.
Batay sa kanyang pagsusuri sa pagsasanay, si Jimena ay itinuturing na “weak swimmer” at dahil dito ay sinusubaybayan at tinutulungan sa tubig.
Pagkatapos ng kamatayan ni Jimena, pinahintulutan ng mga Marines ang pamilya ni Jimena na makipag-usap sa kanyang mga ka-batch at iba pang nakasaksi sa insidente.
“Very open tayo para mapakita na we are very transparent. I think wala namang foul play,” ani Rojas.
Hindi man natapos ni Jimena ang kanyang pagsasanay, sinabi ng PMC na tatanggap pa rin siya ng military burial at matatanggap ng kanyang pamilya ang kanyang mga benepisyo. RNT
