Xian, kinarir ang pagpipiloto!

Manila, Philippines- Nagbahagi si Xian Lim ng latest ganap niya sa kanyang IG.

Makikita ang chinito actor na uma-attend ng aviation class.

Nag-enrol kasi ang actor sa Topflite Academy, isang aviation school na matatagpuan sa Pasay City.

Sa isa sa mga litrato, ibinida niya ang bonding niya kasama ang kanyang dalawang instructors.

Inilarawan din niyang solid o one for the books ang kanyang experience.

Caption niya: “Solid class today with capt. @davidrobin_ capt. @air.paulc and capt. @_johannesco @topfliteacadem.”

Sa kaugnay na photo, makikita naman siyang nagbabasa ng mapa.

“Getting ready to fly,” sey niya.

Umani naman ng pagbati at papuri ang mga larawang nai-post niya sa social media.

Ito ang ilan sa kanilang mga komento.

“We are proud of you! Take care always.”

“Lets goooo.”

“Pilot-in-the-making @xianlimm in good hands.”

“Grabe. Capt na tawag ko sayo!” Archie Liao