ANG bansag na ‘slippery as an eel’ ay hindi umubra sa limang top fugitives ng Central Luzon nang sila’y isa-isang malaglag sa kamay ng batas dahil sa sipag at dedikasyon ng Police Regional Office 3 operatives.
Enero 3 nang maaresto ng mga tauhan Pampanga Police si Jerry Pikit-Pikit, most wanted person sa regional level dahil sa paglabag sa RA 9165 o Comprehensive Dangerous Drugs Act of 2002.
Sa kaparehong araw ay nalambat din ng Pampanga cops si Gerald Ñiño Fernandez, number 4 sa MWP list sa provincial level dahil sa kasong two counts ng rape.
Walang inirekomendang piyansa ang korte para sa pansamantalang paglaya nina Pikit-Pikit at Fernandez na kasalukuyang nakakulong sa Pampanga Police Custodial Cell.
Kasabay ng raid ng Pampanga Police sa kuta nina Pikit-Pikit at Fernandez ay nagsasagawa rin ng operasyon ang mga tauhan ng San Miguel, Bulacan sa taguan ng mga MWP.
‘Di nakapalag si Gilbert Victoria, rank 1 – MWP municipal level sa tracker team ng San Miguel Police Station dahil sa paglabag sa RA 10591 o illegal possession of firearm and ammunitions.
Naunang nasakote noong Enero 2 ng operatives ng Olongapo Police si Engilbert De Leon, rank 3 MWP municipal level dahil sa 3 counts of rape, isang non-bailable offense.
Si Esquivel Mildred na may kasong frustrated murder at number 8 MWP municipal level ay dinakip ng Regional Mobile Force Battalion at Jaen Police Station cops noong Enero 1.
Ikinatuwa ni PRO3 director P/BGen. Jose ‘Daboy’ Hidalgo, Jr., ang pagkaaresto sa naturang 5 top fugitives kaya pinuri ang tropa na nagtagumpay sa kanilang isinagawang police operation.
“These accomplishments only show that the Central Luzon lawmen are restless and will continue to intensify the anti-criminality campaign to ensure the peace and order in the communities,” pahayag ni Hidalgo.
Keep it up PRO3 cops.
