MANILA, Philippines – Nasawi ang isang babae nang magulungan ito ng trak sa Pulupandan, Negros Occidental.
Kasabay nito, naputulan naman ng daliri ang kanyang mister.
Sa ulat, sakay ng tricycle ang 48-anyos na biktima at ang kanyang asawa nang mangyari ang insidente.
Bahagyang lumipat ng linya ang tricycle nang makasalubong ang 10-wheeler truck.
Hindi agad nakapagpreno ang jeep na nasa likod ng tricycle kaya nabangga nito ang sinasakyan ng mag-asawa. Tumilapon ang mga ito saka nagulungan ng trak.
Isinugod sa ospital ang mag-asawa ngunit hindi na umabot pa na buhay ang babae.
Nasa kustodiya na ng pulisya ang drayber ng trak at jeep na maaaring maharap sa kaso. RNT/JGC