NABABAHALA ang energy consumer advocacy group na Power for People Coalition (P4P) noong Huwebes sa $3.3 Bilyong liquefied natural gas (LNG) deal sa tatlong pinaka-maimpluwensyang kumpanya sa Pilipinas dahil umano maaaring itong humantong sa mas mataas na gasto sa kuryente.
“Sa ngayon, hinihimok ng P4P ang Energy Regulatory Commission at ang Philippine Competition Commission na kumilos upang protektahan ang interes ng mga mamimili,” sabi ni P4P convenor Gerry Arances sa isang pahayag noong Huwebes, Marso 14.
Kaugnay nito sa unang bahagi ng buwang ito, ang mga tycoon na sina Manuel Pangilinan, Ramon Ang, at Sabin Aboitiz ay pumasok sa isang kasunduan na magkasamang mamuhunan sa dalawang gas-fired power plant — ang 1,278-megawatt Ilijan power plant at isang 1,320-megawatt combined cycle power facility na nakatakdang simulan ang operasyon ngayong taon.
Ang tatlo ay mamumuhunan sa halos 100% ng LNG import regasification terminal ng Linseed Field Corporation, na gagamitin upang tumanggap, mag-imbak, at magproseso ng gasolina para sa dalawang planta ng kuryente.
Sinabi ni Arances na maaaring magkaroon ng posibilidad ng “sabwatan” sa pagitan ng mga kumpanya ng power generation, na nagreresulta mula sa deal, na hahantong sa mas mataas na gastos na ipapasa sa mga mamimili.
Nauna nang sinabi ng ERC na titingnan nito kung paano makakaapekto ang deal sa mga gastos sa kuryente.
