MANILA, Philippines – Magdadala ng maulap na kalangitan na may mga pag-ulan sa ilang bahagi ng bansa ang easterlies ngayong Martes, Mayo 6.
Ayon sa PAGASA, huling namataan ang Low Pressure Area (LPA) sa layong 660 kilometro kanluran ng Coron, Palawan o 455 kilometro hilaga ng Kalayaan, Palawan.
Wala namang posibilidad na maging isang bagyo ang LPA sa labas ng Philippine Area of Responsibility (PAR) sa susunod na 24 na oras.
Ang Eastern Visayas, Caraga, at Davao Region ay makararanas ng kalat-kalat na pag-ulan at thunderstorm dahil sa easterlies.
Habang ang Metro Manila at nalalabing bahagi ng bansa ay magkakaroon ng bahagyang maulap hanggang sa maulap na kalangitan na may isolated rain showers o thunderstorms dahil din sa easterlies. RNT/JGC
