Manila, Philippines — Maging beauty queen — isang pangarap na matagal nang tinatangkilik ni Gabbi Garcia mula pagkabata.
Kahit noon pa man, madalas niyang ipahayag na ang pagsali sa beauty pageant ay isang pagkakataong ayaw niyang palampasin.
Ngunit, hindi raw ganoon kadali ang maghanda at sumabak sa pageant.
Isa sa pinakamahalagang konsiderasyon niya ngayon ay ang kanyang mga brand endorsements.
“Perfect timing sana ito lalo na ngayong mag-27 na ako this year,” ani Gabbi.
“Pero dahil committed ako sa mga endorsements, kailangan ko sigurong itigil muna lahat. Mga isang taon o higit pa, baka maging jobless ako!” dagdag niya.
Ayon kay Gabbi, ito ang tanging dahilan kung bakit nagdesisyon siyang umatras sa pag-abot ng pangarap na ito.
Ngunit sa kabila nito, excited siya na subukan ang mga proyekto na may temang GL o Girl’s Love movies — mga kwentong tumatalakay sa lesbianism.
“Hindi ko pa ito nagagawa, bakit hindi ko subukan? Interesado rin ako sa mga tema tulad ng The Devil Wears Prada, lalo na sa fashion exploration,” pahayag niya.
Sa huli, lumalabas na ang desisyon ay nakabase sa practical na aspeto — pera, at hindi sa pagtalikod sa pangarap. Ronnie Carrasco III
