MANILA, Philippines – Pinuri ng Commission on Elections (Comelec) ang pagpapataw ng pansamantalang daily transfer limit ng e-wallet app GCash upang mapigilan ang pagbili ng boto sa 2025 national and local elections.
Inanunsyo ng GCash na ang kanilang “Express Send” at “Send via QR” features ay magkakaroon ng daily limit hanggang May 12, 2025 o mismong araw ng halalan.
Magbabalik ang normal na transaksyon sa Mayo 13, 2025.
Ang mga business accounts ay napapailalim din sa paghihigpit.
“Imposing a daily limit on transactions for GCash, the most ubiquitous mobile payment service, will be instrumental in curbing attempts to buy votes. This will be crucial during the few days before the elections, which is usually when rampant vote-buying occurs,” sinabi ng Comelec.
“We sincerely thank GCash for partnering with the Comelec in the fight against vote-buying. This shows your commitment to the welfare of the Filipino people and the democratic exercises of our country.”
Ang liham na may petsang Marso 12 ay nilagdaan ni Comelec Chairman George Garcia at Committee on Kontra Bigay Commissioner-in-Charge Ernesto Maceda Jr.
Nauna nang nagbabala ang Comelec ng mas mahigpit na hakbang laban sa vote buying ,vote selling at maling paggamit ng state resources para sa nalalapit na halalan bilang bahagi ng Committee on Kontra Bigay campaign. Jocelyn Tabangcura-Domenden
