BIDA ang pulisya ng Caloocan sa ika-122 Police Service
Anniversary ng National Capital Region Police Office na ginanap kamakailan sa command's regional headquarters sa
Camp Bagong Diwa, Taguig.
Nakuha kasi ng Caloocan City Police Station ang tatlo sa apat na
kung tawagin ay “coveted city level awards” na ang mismong nag- abot ng naturang pagkilala ay si Philippine National Police chief P/Gen. Benjamin Acorda, Jr.
Ang CCPS ay nangibabaw sa taunang police accomplishment
kung saan dinaig ang 13 pang Metro LGUs matapos maitala ang
– Most Number of Arrested Persons;
– Most Number of Confiscated Firearms, at;
– 3) Best on Anti-Illegal Gambling Operations.
Hindi lang sa pagkakataong ito naibigay ang nasabing mga
award dahil sa mga nagdaang taon ay tumanggap din ang pulisya
ng Kankaloo ng kaparehong mga parangal at pagkilala.
At siyempre, kung may unang dapat purihin ay walang iba kundi si Chief of Police P/Col Ruben Lacuesta na ang kakaibang brand of management ay hinangaan ni Caloocan Mayor Dale Gonzalo “Along” Malapitan.
Miyembro ng Philippine National Police Acadeny Class 2000, si
Lacuesta ay humawak na ng iba’t ibang posisyon sa PNP na kanyang napagtagumpayan “with flying colors” bago ito maitalagang hepe ng CCPS noong Enero ng taong kasalukuyan.
Pinasalamatan ni Lacuesta ang pamahalaang lungsod ng
Caloocan, partikular si Malapitan na tinawag niyang “valuable
partner” dahil hindi nagsasawang tumutulong kaya
matagumpay ang CCPS sa pagsasagawa ng kanilang
tungkulin.
Kaugnay nang tinanggap na tatlong awards ay binati naman ni
Malapitan si Lacuesta at ang buong pulisya ng lungsod kasabay
ang pangakong tuloy-tuloy na tulong ng kanyang administrasyon
sa city police force.
Minsan ko nang narinig kay Interior Secretary Benhur Abalos na
mahalaga na magkaroon ng mutual understanding ang PNP at
local government units para sa pagpapanatili ng kaayusan sa
lipunan na nakikita natin sa pagitan ng CCPS at Caloocan LGU.
Dahil sa tulong, ayuda ni Malapitan at Caloocan City government
ay maayos na naisasakatuparan ng CCPS ang programa’t
proyekto na may kinalaman sa peace and order na naging daan
din para makopo ang awards sa katatapos na PSA event.
Hurray & congrats sa Kankaloo cops!