Koreano tumalon sa rooftop ng hotel sa Maynila, tigok!

MANILA, Philippines – Masusing iniimbestigahan ngayon ng Manila Police District (MPD) ang pagkamatay ng isang lalaking koreano na ‘di umano ay tumalon sa isang gusali sa Malate, Maynila.

Tinatayang nasa edad na 20 pataas ang biktima.

Ayon kay Barangay Ex-O Guillermo Leopardas Jr, ng Brgy. 698, pasado alas 7 ng umaga ng Miyerkules nang itawag sa kanila ang isang insidente.

Agad naman siyang tumawag sa pulisya upang maimbestigahan ang tunay na nangyari sa biktima.

Sa pagtatanong naman kay PMajor Edwin Fuggan, PCP commander ng Remedios Circle, posible na suicide ang nangyari dahil ang biktima ay nakita umanong umakyat sa rooftop mula sa tinutuluyan nitong unit sa ikalimang palapag ng isang hotel sa Malate.

Posible umanong malaki ang problema nito sa pera at hindi rin iniaalis na posibleng na lulong sa sugal sa casino kaya ito ang nakikitang dahilan ng kanyang pagpapakamatay. (Jocelyn Tabangcura-Domenden)