ANG sabi ni Rep. Terry Ridon ay “contradictory at in bad faith ” ang postura ng Defense Team ni Vice President Sara Duterte na ” while questioning the impeachment process in the Supreme Court they are simultaneously preparing to participate in the Senate trial. Ang advice niya sa defense team ay ” withdraw their petition before joining the trial.”
Una bahala ang defense team kung paano nila idedepensa ang bise presidente sa impeachment trial. At karapatan nila magsampa ng anomang kaso sa Korte Suprema kung may nakikitang gross abuse of discretion sa proseso ng impeachment that would amount to a denial of due process sa Kamara man o Senado.
Walang conflict doon. Walang bad faith. Natural kung against ka kay VP Sara ay maaaring ganoon din ang magiging tingin mo sa legal strategy ng defense team. Pero bakit naman nais ni Ridon na iwithdraw ng defense team ang kaso sa Korte Suprema? Dahil bilang abogado ay alam niya na maaaring manalo ang petition ni Duterte sa Korte Suprema at ipawalang bisa ang naging proceedings sa Justice Committee. Ang palakpak nila noon ay mauuwi sa luha kapag nagkataon . Pero hayaan natin ang Korte Suprema mag desisyon.
Pero bilang abogado ay marahil may nakikita ring legal strategy ang depensa kung umabot man sa Senado ang articles of impeachment kaya’t nag aadvice siya na ‘withdraw’ ang petition.
Kahit iba depinisyon ni Senate President sa salitang FORTHWITH sa Saligang Batas sa kung ano ang kapasyahan ng Korte Suprema ay opinion lang iyon kay Senate President samantalang part of the law of the land ang desisyon ng Korte Suprema.
Paano kung pagdating sa Senado at may senador na maghain ng resolusyon na huwag muna i-convene ang impeachment court dahil may pending pang kaso sa Korte Suprema na “prejudicial question” at dapat bigyan ng ‘judicial courtesy’ at hayaan muna ang Korte Suprema magdesisyon? Kaya, pagdedebatihan at pagbobotohan ng Senado yan. Kung matatandaan natin noong may ‘motion for reconsideration’ pa sa Supreme Court noong dininig kung may violation ba sa one year ban sa pagfile ng impeachment, sila Senator Tito Sotto ang nagsabi na hintayin ang desisyon sa motion for reconsideration. Baligtad na ngayon ang sitwasyon. Marahil iyan ang nakikita ni Ridon.
Pero, di ba mas mataas ang Senado o impeachment court sa Korte Suprema dahil pwede maimpeach ang isang Supreme Court Justice?
May sagot si dating SC Associate Justice Noel Tijam na sana ay alam din ng mga senador – The impeachment court is not part of the judiciary. It cannot interpret the law. It cannot establish doctrine. IT CANNOT REVISE SUPREME COURT RULINGS. SO, NO- IT IS NOT ” HIGHER ” THAN THE SUPREME COURT.
And neither is the Senate President.
