CAIRO/LOS ANGELES- Inihayag ng Yemen’s Houthis nitong Sabado na tumama ang missiles nito sa Andromeda Star oil tanker sa Red Sea, sa patuloy nilang pag-atake sa commercial ships sa lugar upang ipakita nag suporta para sa laban ng Palestinians sa Israel sa Gaza war.
Kinumpirma ng US Central Command na naglunsad ang Iran-backed Houthis ng tatlong anti-ship ballistic missiles sa Red Sea mula Yemen na nagdulot ng minor damage sa Andromeda Star.
Iniulat ang pinsala sa vessel, ayon sa British maritime security firm Ambrey.
Bumagsak ang missile sa binisinidad ng ikalawang vessel, ang MV Maisha, subalit hindi ito napinsala, ayon sa US Central Command sa social media site X.
Inihayag ni Houthi spokesman Yahya Sarea na pagmamay-ari ang Panama-flagged Andromeda Star ng Britain, subalit makikita sa shipping data na kabebenta pa nito, batay sa LSEG data at Ambrey.
Ang kasalukuyang may-ari nito ay Seychelles-registered. Nakikibahagi ang tanker sa Russia-linked trade. Nanggaling ito sa Primorsk, Russia, patungong Vadinar, India, ayon sa Ambrey. RNT/SA
