ISA sa pinakahuling balita ukol kay Zaldy ang galing mismo kay Department of Justice Secretary Fredderick Vida.
Sinabi ni Vida, “I have to share difficult news, mga kababayan. Czech authorities have informed us that zaldy Co is no longer in their custody. From the moment we received information on his whereabouts, the Philippine government moved as quickly as we could. We coordinated with international authorities and the President dispatched this mission to Prague. But we work across sovereign borders. But every country has its own laws, processes and timelines. And we cannot compel a foreign government to work outside its legal framework. What we can do is work within those frameworks as the law allows.”
Bagama’t pinigil ng Czech authorities si Co dahil sa kawalan nito ng sapat na dokumento sa paglalakbay, pinakawalan din ito sa huli.
At maaaring wala na ito sa Czech Republic bagaman pinaniniwalaang nasa loob pa rin ito ng 29 bansang kasapi ng European Union at may hawak na Schengen visa.
Dahil dito, dapat itigil na rin ang paglalaro sa salitang “nahuli” o “naaresto” ito o kaya’y “fake news” sa pangyayari. No talk, no mistake na lang!
Ang pag-uusapan na lang na mas mahalaga ay kung paaano hanapin sa anomang paraang ligal si Co, arestuhin at panagutin sa mga akusasyong korapsyon laban sa kanya na mahigpit naman niyang itinatanggi at, sa halip, itinuro niya sina ex-Speaker Martin Romualdez, Pangulong Bongbong Marcos, First Lady Lisa Marcos at anak nilang si Ilocos Norte Marcos na korap.
At ang Interpol ang maghahanap sakaling makumpleto ang mga requisitos para rito mula sa pamahalaang Pilipinas.
Gayunman, hindi pa rin ganoon kadali ang pag-aresto ng Interpol kay Co kung mag-aaplay ito ng asylum sa alinmang bansa sa EU batay sa inihayag niyang banta sa kanyang buhay mula mismo kay Romualdez kung babalik ito sa Pilipinas para magsalita ukol sa pinakamalalang korapsyon sa bansa.
