MANILA, Philippines – Hiniling ni Senador Francis “Tol” Tolentino kay Pangulong Marcos na kagyat na sertipikahan ang mga panukalang batas na magpapalakas o magpapaunlad ng nuclear energy sa bansa.
Ginawa ni Tolentino ang apela noong Sabado, Abril 13, matapos maiulat na nakipagpulong si Marcos sa mga pangunahing executive ng Ultra Safe Nuclear Corporation (USNC) sa sideline ng trilateral summit ng United States (US)-Japan-Philippines sa Washington, DC.
“I thank President Ferdinand “Bongbong” Marcos Jr. for hailing the Washington-based [USNC]’s commitment to the planned nuclear energy investment,” anang senador sa isang pahayag.
“With PBBM’s (President Bongbong Marcos) commitment to pursuing a reliable and clean energy source for the Philippines with USNC, I am requesting His Excellency to certify as urgent the Senate Bill (SB) No. 2545 or An Act Governing Civil Liabilities and Compensation Claims for Nuclear Damage, repealing certain sections of the Atomic Energy Regulatory and Liability Act of 1968 that I filed on February 13,” ayon sa senador.
“Likewise, I also urge PBBM to certify as urgent [SB No.] 1194, which provides a comprehensive nuclear regulatory framework, which I filed on August 16, 2022,” dagdag ni Tolentino.
Sinabi ni Tolentino na ang dalawang panukalang batas ng Senado ay naglalatag ng pundasyon para sa ligtas na pagpapaunlad ng enerhiyang nuklear.
“With this development this morning, I am as delighted as PBBM that the long-term solution to our energy requirement will be fulfilled and ensure greater energy security, reduced reliance on fossil fuels, and greater economic progress,” sabi ni Tolentino.
Ang pakikipagpulong ni Marcos sa mga tagapagtaguyod ng nuclear power ng Amerika ay nakikitang magpapabilis sa layunin ng kanyang administrasyon na maglagay ng nuclear power plant na sa teorya ay makapagdudulot ng mas murang kuryente para sa mga Pilipino.
Noong Nob. 22, 2023, inaprubahan ng House of Representatives ang House Bill (HB) No. 9293, o ang “Philippine National Nuclear Energy Safety Act.”
Noong nakaraang Marso 4, inaprubahan din ng Kamara ang HB No. 9876 o ang “Philippine Nuclear Liability Act.” RNT
