MANILA, Philippines- Naitala sa Taguig, Iligan, at Cagayan de Oro ang pinakamaraming kaso ng online child sexual abuse at exploitation of children, base sa Department of Justice (DOJ) nitong Huwebes.
Sinabi ng abogadong si Margarita Magsaysay, executive director ng DOJ Center for Anti-Online Child Sexual Abuse, na naging talamak ang child sexual abuse and exploitation materials (CSAEM) at online sexual abuse and exploitation of children (OSAEC) sa tatlong lugar, kung saan ang mga target ay mahihirap na kabataan.
“They target the vulnerable. So, who are the vulnerable, they are the children na who are in the poorer side of the country, who are in the rural areas,” pahayag niya sa Palace press briefing.
“Tina-target nila sila, because they are easy targets because OSAEC is a financially-lucrative activity. So, kumakagat na ‘iyong mga victims, mga P300, P200 for just showing CSAEM, showing nude pictures. That’s how bad it is,” paliwanag ng opisyal.
Nalampasan din nito ang ginagastos sa exploitative sexual materials sa Magsaysay.
“Pero mas madaming CSAEM and it is because of that, kaya it’s becoming cheaper, it’s becoming more accessible to perpetrators,” giit ng abogado.
“It is very alarming because CSAEM has become more accessible,” dagdag ng opisyal.
Inihayag ni DOJ Assistant Secretary Jose Dominic Clavano IV na base sa nakolektang impormasyon at pagsisiyasat ng National Coordinating Center, ang natukoy na mga lungsod at lalawigan ang magiging “target areas” nila.
“The policies obviously will revolve around the data that was collected,” ani Clavano.
Ang mga bumibili ng sexual materials na ito ay “older men from English-speaking and more developed and western countries,” anang opisyal, subalit sinabing hindi lahat ng “customers” ay pedophiles dahil walang record ang mga ito ng “pedophile tendencies” sa kani-kanilang mga bansa.
Iginiit naman ni Clavano na nakaaalarma ang sitwasyon, kung saan tatlong buwang sanggol ang pinakabatang biktima, dahil ang Pilipinas ay naging “favorite spot or a source for these western countries to abuse.” RNT/SA
