ANG sabi ni Sen. Win Gatchalian ang two thirds vote para ma-convict si Vice President Sara Duterte ay 16 senators dahil iyon daw ang two thirds ng 24 senators.
Pero iyong ginawa siyang Senate Pro-Tempore (for the time being) ay may quorum daw dahil 22 senators ang present kahit tinawag sa roll call ay 24 senators. Para kay Sen. Gatchalian, to convict ay two thirds ng 24 senators pero to elect the Senate President ay majority of 22 senators. At ang quorum daw ng 24 senators na tinawag sa roll call ay 12!
Pero ano ba ang nakasaad sa Saligang Batas. Ilan ba ang senador?
Article VI sec. 2
The Senate SHALL BE COMPOSED OF 24 SENATORS who shall be elected at large by the qualified votes of the Philippines, as may be provided by law.
Hayan at malinaw na 24 ang senador ayon sa Saligang Batas.
Ano dapat ang bilang sa mga sumusunod ng provision:
Art VI sec 16
THE SENATE SHALL ELECT ITS PRESIDENT, and the house of Representatives, its speaker, BY A MAJORITY VOTE OF ALL ITS RESPECTIVE MEMBERS.
Ano ngayon yung ALL? Depende ba yang “ALL” sa mga senador? Mukhang walang ganoon sa Saligang Batas.
Ano naman ang bilang ng QUORUM?
A MAJORITY of each house shall constitute to do business. But a smaller number may adjourn from day to day and may COMPEL THE ATTENDANCE OF ABSENT MEMBERS. Kaya nga kung 12 ang mga senador na kasama ni Sen. Win, may nakalagay ba sa Saligang Batas na pwede sila mag-elect ng Senate president?
Teka lang, bakit sa Avelino case?
Una sa Avelino case, 1935 Constitution ang umiiral noon. So ano ba ang nakalagay sa 1935 constitution?
Section 10 Article VI ng 1935 constitution
The Senate shall elect its president and the house of Representatives its Speaker.
Sa 1935, panahon ng Avelino case AY HINDI NAKASAAD ANG MAJORITY OF ALL ITS RESPECTIVE MEMBERS.
Pero ngayon KLARO na MAJORITY of ALL the members.
Malinaw ang Saligang Batas, bakit may pagtatalo? Dahil ang salitang ALL sa tagalog ay LAHAT. Pero para kina Gatchalian at mga kaalyado, ang ALL ay depende sa kung ano ang pabor sa kanilang grupo at sa Malacañang.
