MANILA, Philippines – Sumailalim sa ikalawang lie detector test si dismissed policeman Rodulfo Gracioso Jr. sa National Bureau of Investigation nitong Miyerkules, Setyembre 30.
Ayon kay NBI Director Melvin Matibag, boluntaryong sumailalim sa testing si Gracioso na ikalawang beses na niya sa NBI.
Ani Matibag, ang proseso ay tumagal ng tatlong oras o mula alas-3:30 ng hapon hanggang 6:30 ng gabi.
Iniimbestigahan ng NBI ang sinabi ni Gracioso sa kanyang affidavit na naghatid siya ng mga bag ng cash kay Vice President Sara Duterte nang siya ay security aide pa ni dating Speaker Lord Allan Velasco.
Itinanggi naman ng mga opisyal sa affidavit ni Gracioso ang mga alegasyon nito.
Nilapitan umano ni Gracioso ang NBI sa tulong ni Father Flavie Villanueva, pari na kilalang tumutulong sa pamilya ng mga biktima sa drug war ng administrasyong Duterte.
Inalam na ng NBI ang background ni Gracioso at sinusuri ang mga pahayag nito sa pamamagitan ng interview at iba pang investigative means.
“Ang masasabi ko nga, based on the test that we ran, which is the polygraph test, 99% yung truthfulness ng kanyang mga statements.”
“However, polygraph tests when offered in evidence for the purpose of establishing the guilt or innocence of one accused of a crime, whether the accused or the prosecution seeks its introduction, for the reason that polygraph has not as yet attained scientific acceptance as a reliable and accurate means of ascertaining truth or deception,” ayon naman sa SC.
Para sa SC, ang resulta ng lie detector test ay hindi konklusibo.
“While the Court held that the results of a polygraph test cannot be offered in evidence to prove the guilt or innocence of an accused in a crime, it does not mean that it has no weight at all.”
“The results of the polygraph test may be used in conjunction with other corroborative evidence to prove an allegation made by a party,” dagdag pa. RNT/JGC
